Laad kar le thoda mujhko,
Papa ki maar se bachaa jaa,Dadi tu wapas aa jaa..
Doodh ka gilaas lekar peeche aa mere,
Tere haatho ki kavli roti khila jaa,
Dadi tu wapas aa jaa..
Ek aankhri kahaani suna de mujhko,
Mere aasu ko poch, mujhe sula jaa,
Dadi tu wapas aa jaa..
Thoda chilla de mujhko tu,
Fir meri harr bhool ko bhula jaa,
Dadi tu wapas aa jaa..
Kaan mod de mera,
Apni saadgi mujhe sikha jaa,
Dadi tu wapas aa jaa..
Lape banaa de pyaar se zara,
Meri harr chot pe marham lagaa jaa,
Dadi tu wapas aa jaa..
Mere gullak mein daal de kuch sikke,
Janmdin ke paise dila jaa,
Dadi tu wapas aa jaa..
Tere layak nahi hu main dadi,
Mujhe tere layak banaa jaa,
Dadi tu wapas aa jaa..
No comments:
Post a Comment