Woh dost.

Teri harr khushi mein tujhse zyaada naache,

Harr dukh mein tere ro jaaye,

Woh dost.

Muh se nivaala cheene tere,

Parr waqt aane parr teri khaatir bhooka marr jaaye,

Woh dost.

Teri ghatiya tasveerein sambhaal kar rakhe,

Harr uss tasveer mein saath nazar aaye,

Woh dost.

Jo laakh kehne parr bhi baat na maane,

Aur kuch na kehne parr bhi sab samajh jaaye,

Woh dost.

Maar maar ke gaal suja de tera,

Koi aur maare toh usse chaar lagaaye, 

Woh dost.

Baat na karein roz tujhse,

Fir bhi teri yaad mein roz muskurayein,

Woh dost.

Maa ki tarah khyaal rakhe kabhi,

Kabhi pita ki tarah paise de jaaye,

Woh dost.

Tere aane pe mazaak udaaye woh tera,

Tere jaane se uski dhadkan tham jaaye,

Woh dost.

Jo galti karne parr tujhe toke,

Fir bhi teri harr galti apnaaye,

Woh dost.

Harr uss dost ko salaam, harr uss dosti ko salaam.

Happy friendship day :)